டேவிட் இஸ்ரேல் • 17 நவம்பர் 2026

ஜெருசலேம், 17 நவம்பர் 2026 (TPS-IL) — யூதேயா மற்றும் சமாரியாவில் செயல்படும் எட்டு இஸ்ரேலிய கட்டுமான மற்றும் மேம்பாட்டு நிறுவனங்கள் மற்றும் ஆர்வலர் குழுவான ஸ்ஸாவ் 9 (Tzav 9) ஆகியவற்றிற்கு எதிரான பிரிட்டிஷ் தடைகளை அப்பகுதியின் உள்ளூர் தலைவர்கள் செவ்வாய்க்கிழமை கண்டித்தனர்.

பிரிட்டன் வெளியுறவு அலுவலகத்தின்படி, இந்த நடவடிக்கைகளில் சொத்து முடக்கங்கள் மற்றும் நிறுவன இயக்குநர்கள் இயக்குநர் பதவிகளை வகிப்பதைத் தடுக்கும் தகுதிநீக்கங்கள் ஆகியவை அடங்கும். மாலே அதுமிம், பெட்டார் இல்லிட் மற்றும் குஷ் எட்சியோன் உள்ளிட்ட பகுதிகளில் செயல்படும் ஹரே ஜஹாவ், Z.F. பில்டிங் கம்பெனி மற்றும் மவுண்ட் ஹெப்ரோன் டெவலப்மென்ட் கம்பெனி ஆகியவை குறிவைக்கப்பட்ட நிறுவனங்களில் அடங்கும். யூதேயா மற்றும் சமாரியா மற்றும் ஜோர்டான் பள்ளத்தாக்கில் தீவிரமாக செயல்படும் தனியார் ரியல் எஸ்டேட் மேம்பாடு மற்றும் கட்டுமான நிறுவனமான ஹெம்தாத் ஷோம்ரோன் லிமிடெட்டும் இந்தப் பட்டியலில் உள்ளது.

காசாவுக்கான மனிதாபிமான உதவி விநியோகங்களைத் தடுத்ததில் அதன் பங்கு காரணமாக பிரிட்டன் ஸ்ஸாவ் 9 (ஆர்டர் 9) மீது பொருளாதாரத் தடை விதித்தது. பொருட்கள் ஹமாஸை சென்றடையக்கூடும் என்ற கவலைகளின் காரணமாகவே தாங்கள் செயல்படுவதாக அக்குழு தெரிவித்துள்ளது.

பிரிட்டிஷ் அதிகாரிகளிடமிருந்து தங்களுக்கு எந்த அதிகாரப்பூர்வ அறிவிப்போ அல்லது நேரடித் தொடர்போ கிடைக்கவில்லை என்றும், ஊடகங்கள் மூலமே இந்த முடிவை அறிந்ததாகவும் ஹெம்தாத் ஷோம்ரோன் கூறியது. இந்நிறுவனம் இதுவரை விவரங்களை ஆராயவோ அல்லது அதன் தாக்கங்களை மதிப்பிடவோ வாய்ப்பு கிடைக்கவில்லை என்று அதன் செய்தித் தொடர்பாளர் தி பிரஸ் சர்வீஸ் ஆஃப் இஸ்ரேல் செய்தி நிறுவனத்திடம் தெரிவித்தார். யூதேயா மற்றும் சமாரியாவில் தனது விரிவான கட்டுமானப் பணிகளின் காரணமாகவே தாங்கள் பட்டியலில் சேர்க்கப்பட்டுள்ளதாக நிறுவனம் புரிந்து கொண்டுள்ளதாக அந்த செய்தித் தொடர்பாளர் கூறினார்.

ஸ்ஸாவ் 9 அமைப்பைச் சேர்ந்த ரேவுட் பென் ஹைம் TPS-IL இடம் கூறுகையில், “இஸ்ரேலிய நிறுவனங்கள், அமைப்புகள் மற்றும் குடிமக்கள் மீதான பிரிட்டனின் அச்சுறுத்தல் என்பது பதிலளிக்கப்படாமல் விடக்கூடாத ஒரு தீவிரமான நடவடிக்கையாகும்” என்றார். வெறும் கண்டனமோ அல்லது நாகரிகமான இராஜதந்திர எதிர்ப்போ போதுமானதாக இருக்காது என்றும், பாதிக்கப்பட்ட தரப்பினருக்கு இஸ்ரேலிய அரசு பாதுகாப்பும் சட்ட உதவியும் வழங்க வேண்டும் என்றும் அவர் கோரினார். மேலும், இஸ்ரேல் “ஹமாஸை வலுப்படுத்தும் மற்றும் அதிகாரம் அளிக்கும் உதவிகளை நிறுத்த வேண்டும்” என்றும் அவர் கூறினார்.

தெற்கில் உள்ள யூதேயாவையும் வடக்கில் உள்ள சமாரியாவையும் பிரிக்கும் பகுதியில் 2,167 குடியிருப்பு அலகுகளைச் சேர்க்கத் திட்டமிட்டுள்ள E1 வழித்தடத் திட்டத்திற்கான ஏல காலக்கெடுவுக்கு முன்னதாக இந்தத் தடைகள் அறிவிக்கப்பட்டன. இந்தத் திட்டம் தொடர்ச்சியான பாலஸ்தீன அரசை அமைப்பதை நடைமுறையில் சாத்தியமற்றதாக்கிவிடும் என்று விமர்சகர்கள் கூறுகின்றனர். இத்திட்டத்திற்கான நிதியுதவியைக் கட்டுப்படுத்துவதற்கும் இரு அரசு தீர்வுக்கான வாய்ப்புகளைப் பாதுகாப்பதற்குமே இந்நடவடிக்கைகள் எடுக்கப்பட்டுள்ளதாக பிரிட்டிஷ் அரசு கூறியுள்ளது. அங்கு இஸ்ரேலின் கட்டுமானப் பணிகள் சர்வதேச சட்டத்தை மீறுவதாகவும் அமைதிக்கான வாய்ப்புகளைக் குறைமதிப்பிற்கு உட்படுத்துவதாகவும் வாதிட்டு, E1 மேம்பாட்டிலிருந்து லாபம் ஈட்டுவதற்கு எதிராக பிரிட்டிஷ் வெளியுறவுச் செயலாளர் எட் மிலிபான்ட் வணிக நிறுவனங்களை எச்சரித்தார்.

சமாரியா பிராந்திய கவுன்சில் தலைவர் யோசி டகன் கூறியதாவது: “பிரிட்டனை விட காலனித்துவ நாடோ, தொழிற்கட்சியை விட பாசாங்குத்தனமான அரசாங்கமோ வேறு எதுவும் இல்லை. வரலாற்றின் சரியான பக்கத்தில் நிற்பதில் யூத மக்கள் பெருமை கொள்கிறார்கள். இங்கிருந்து, பிரிட்டிஷ் அரசாங்கத்தில் உள்ள முட்டாள்களுக்கு எதிராகவும் சேர்த்து, நாங்கள் இஸ்ரேல் அரசையும் ஐரோப்பாவின் எதிர்காலத்தையும் பாதுகாத்து வருகிறோம்.”

“எங்கள் நிலத்தின் இதயம், எங்கள் தாயகத்தின் இதயம், விவிலியத்தின் நிலமான யூதேயா மற்றும் சமாரியா மற்றும் ஜெருசலேமில் நாங்கள் இன்னும் அதிகமாகக் கட்டுவோம். ஐரோப்பாவைப் பாதுகாக்கும் முன்னணியான இந்த சமாரியாவிலிருந்து, முழு இஸ்ரேலுக்கும் நாங்கள் பாதுகாப்பைக் கொண்டு வருவோம்,” என்று டகன் மேலும் கூறினார்.

அவர் மேலும் கூறியதாவது: “லண்டன் மற்றும் பாரிஸின் வீதிகளில் என்ன நடக்கிறதோ அது இங்கு நடப்பதைத் தடுக்க நாங்கள் உறுதியாக உள்ளோம். லண்டனில் உள்ள பிரிட்டிஷ் அரசாங்கத்தில் உள்ள முட்டாள்களுக்கு எதிராகவும் சேர்த்து, நாங்கள் வரலாற்று நீதியைத் தொடர்கிறோம் மற்றும் மனித நாகரிகத்தின் எதிர்காலத்தை இங்கிருந்து பாதுகாக்கிறோம்… இஸ்ரேல் மக்கள் வெற்றி பெறுவார்கள்.”

பெய்ட் எல் கவுன்சில் தலைவர் ஷாய் அலோன் லண்டனின் பாசாங்குத்தனத்தைக் குற்றம் சாட்டியதோடு, இந்த நடவடிக்கையை “புதிய யூத எதிர்ப்பு” என்றும் அழைத்தார். இஸ்ரேலிய வணிகங்களை குறிவைப்பவர்களுக்கு எதிராக பொருளாதார மற்றும் பாதுகாப்பு நடவடிக்கைகளை அவர் வலியுறுத்தினார். [Query: which measures, and against whom?]

யேஷா கவுன்சிலின் தலைவரும் பின்யாமின் பிராந்திய கவுன்சிலின் தலைவருமான யிஸ்ரேல் கான்ட்ஸ் கூறுகையில், இந்தத் தடைகள் இஸ்ரேலிய குடிமக்களையும் அவர்களின் வாழ்வாதாரங்களையும் நேரடியாகப் பாதிக்கும் என்றார். அவற்றை ரத்து செய்ய இராஜதந்திர, சட்ட மற்றும் பொருளாதார நடவடிக்கைகளை அவர் கோரினார்.

பெய்ட் ஆர்யே-ஓபாரிம் கவுன்சில் தலைவர் ஷரோன் அல்ஃபாசி, யூதேயா மற்றும் சமாரியாவில் கட்டுமானம், உள்கட்டமைப்பு மற்றும் புதிய குடியிருப்புகள் மற்றும் பொது நிறுவனங்களை நிறுவுவதை விரைவுபடுத்துமாறு அரசாங்கத்தை வலியுறுத்தினார். “எங்கள் எதிர்காலம் லண்டனில் தீர்மானிக்கப்படாது,” என்று அவர் கூறினார்.